الـدنـيـا أوده كـبـيره لـلانـتـظار
فـيهـا ابـن آدم زيـه زى الـحمـار
الـهـم واحد . . والمـلل مـشـترك
ومـفـيش حـمـار بيـحاول الإنتـحار
عـجبى !!
دخـل الـربيع يضـحـك لقـانى حـزين
نـده الربيـع على إسـمى لم قلت مـين
حـط الـربيع أزهـاره جـنبـى وراح
وإيش تـعمـل الأزهـار للمـيـتـيـن
عـجبى !!
عجبى عليـك . . عجبى عليـك يا زمن
يـا بو البدع يا مبــكى عينى دماً
إزاى أنـا أختـار لـروحى طـريـق
وانا اللى داخـل فى الحيـاة مرغمـاً
عـجبى !!
مزيكا هادية الكون فيها انغمر
وصيف وليل وعُقد فُل وسمر
يا هل ترى الناس كلهم مبسوطين
ويا هل ترى شافين جمال القمر!
عجبي
...
حتـة محـارة وجـدتها فى يوم لقيـة
قـالت لى شـوف كيف الطبيعة شقية ؟
نظـرت للكـهف اللـى فيهـا ولـقيت
إن الطـبيعـة كـمـان … لا أخـلاقية
عـجبى !!
حبيـت . . لـكن حب من غير حنـان
وصـاحبت لـكن صـحبه مـا لهاش أمان
رحت لحــكيم واكـتر لقيت بـلوتـى
إن اللى جـوه القـلب مش ع اللسـان
عـجبى !!
رقـبـة قـزازه وقلــبى فيهـا انـحشـر
شـربت كـاس واتنين وخـامـس عشـر
صـاحبت ناس م الخمرة ترجع وحـوش
وصـاحبت نـاس م الخمـرة ترجـع بشر
عـجبى !!
يعنى ايه دموع و انهيار البنات
.
.
.
يعنى واحدة طعيت لصاحبتها و تنهار و
تقولها .. جوزى بيخونى
صاحبتها تقولها .. ازاى
تقولها .. بيقولى انه كان بايت عند خالد صاحبه
و خالد صاحبه كان بايت عندى
[b] https://i.servimg.com/u/f21/16/51/22/86/ouu_uo12.jpg